Kryetari i Aleancës për Ardhmërinë e Kosovës, Ramush Haradinaj, ka pritur sot në takim ambasadorin francez, Olivier Guérot me të cilin kanë ndarë shqetësimin e përbashkët për situatën e krijuar në veri.
Përmes një postimi në facebook, Haradinaj theksoi se kanë biseduar për nevojën për deeskalim të situatës dhe zbatimin e Marrëveshjes së Ohrit.
“Franca gjithnjë ka pasur një rol të rëndësishem në të gjitha fazat nëpër të cilat ka kaluar Kosova, sikundër që e ka edhe në situatën aktuale”, ka shkruar Haradinaj.